O noso último episodio de Libremente trouxo ao programa a dous adestradores que, a pesar da súa mocidade, xa levan moitos quilómetros percorridos no mundo do fútbol. Balbino Martínez e Cristina Carreira compartiron con nós a súa experiencia, os retos da súa profesión e como ven o futuro deste deporte que tanto lles apaixona.
Durante a conversa, falamos da importancia da nutrición deportiva, un aspecto fundamental para calquera xogador ou xogadora, sexa profesional ou afeccionado. Tamén puxemos o foco no fútbol feminino, analizando como evolucionou nos últimos anos e os cambios que aínda son necesarios para acadar unha verdadeira igualdade.
Outro dos temas centrais foi o traballo con nenos e nenas, onde Balbino e Cristina contaron as vantaxes e dificultades de formar pequenos deportistas. Como motivar, como xestionar as expectativas das familias e como transmitir valores que van máis alá do campo de xogo foron algúns dos puntos clave que tratamos.
A conversa fluíu con naturalidade e houbo moitas anécdotas que non deixaron indiferente a ninguén. Se che interesa o fútbol, o traballo cos máis pequenos ou simplemente queres escoitar unha charla entretida e sen filtros, este episodio é para ti.
Queremos agradecer a colaboración de Jorge da Asociación Melisa por axudarnos a recuperar o audio da entrevista xa que tivemos problemas técnicos durante a gravación. Contamos cun equipo de 10!
Podes escoitalo xa no seguinte enlace: https://www.ivoox.com/entrevista-a-balbino-martinez-cristina-carreira-audios-mp3_rf_143875306_1.html Non o perdas!
#PodcastLibremente #Fútbol #NutriciónDeportiva #FútbolFeminino
Spanish 
Galician